بقلم رحمه سيد
بعد قليل….
دخل المتجر الصغير الذي يمتلكه والده، دون استئذان كعادته بعدما قرر استباحة كل ما هو له.
فنهض “كامل” من كرسيه فور رؤيته له، وهتف ساخرًا:
-إيه أيوب چاي لغاية عندي….
وقطع كلماته بعدما رأى “غرام” التي ظهرت خلف ظهر “أيوب” فقال ضابطًا نبرته على انفعال مصطنع لا تمتلكه أعصابه حاليًا:
-مين جاب البت دي هنا ؟ يا مچرمة، الشرطة هتجيبك فاكرة نفسك هتهربي من دم البريئة يا جادرة يا سافلة.
زمجر فيه أيوب بشراسة:
-بس ولا كلمة.
ردد كامل مستنكرًا بغيظ:
-أنت بتزعجلي يا أيوب؟
استطرد بخشونة صارمة:
-لما تتعدى على مرت أيوب العماري يبجى لازم تسكت.
بهتت ملامح كامل بذهول وإتسعت عيناه دون استيعاب وهو يسأله:
-إيه بتجول إيه؟ مرت مين؟ مرت أبني أنا؟! دي مچرمة و جتلت مرتي.
هنا هزت غرام رأسها نافية بسرعة:
-ماحصلش.
أردف أيوب وهو يرمق والده بنظرة مزدردة متوعدة:
-بس يا غرام سيبه يجول ويتكلم ويغلط.
رفع كامل كلا حاجبيه باحتجاج:
-أنت مصدج البت دي؟!
هدر فيه باهتياج وعينين ناريتين بالغضب:
-جولتلك دي مرت أيوب العماري، يعني لسانك مايطولش وأنت بتتكلم عنها.
تابع من بين أسنانه:
-وأنت چايبها هنا ليه؟
-عشان تعرف مجامك وجبل ما تتكلم ولا تهلفط بأي كلمة ضدها جدام البوليس او حتى بينك وبين نفسك، تفتكر إنها بجت تخصني وتعمل لدا ألف حساب.
لوى شفتاه مستنكرًا رغم التخبط الذي أصاب دواخله؛ من صدمة ثم قلق وتوجس:
-وأنا هخاف منك إياك؟!
توهج الظلام الموحش في عينيه وتربضت القسوة الدفينة فيهما وهو يُخطره بهسيس شيطاني راعد:
-لازم تخاف مني فعلاً عشان لو فكرت تجيب اسم غرام في أي حاچة هوديك ورا الشمس.
تشدق بصوتٍ أجش متشبثًا بكبرياؤه الذي يأبى الاستسلام لسطوة ابنه حتى لو تعاظمت:
-ماتجدرش، لو كنت أنت مفكر نفسك فرعون فأنا أبو الفرعون دا.
هز أيوب رأسه مؤكدًا والمرارة خانته وتسربت لتنضح من حروفه التي لم تتخلى عن قشرة القسوة:
-فعلًا أنت اللي اتسببت إني أكون فرعون، بس چرب حظك وشوف هجدر ولا لا، ولو كنت أنت هتجيب شاهد أنا هجيب عشرة يجولوا إننا كنا بنكتب الكتاب وجت ما حصل اللي حصل، وفي الاخر مفيش حد هيكون مُشتبه فيه غيرك يا چوزها.
قال كلمته الأخيرة بابتسامة خبيثة ملتوية شامتة خاصةً حين ترآى له شحوب وجه “كامل” فسحب غرام من معصمها برفق وغادر بنفسٍ راضية يحاوطها ضباب الحقد من كل جانب.
