بقلم الشيماء مسعد

سأل بقلق على وضعها الذي يراه أمامه من خوف : انتي حكيتي لرازي ليه يا قدر صغرتيني اوي قدامه ، اخويا زعلان مني دلوقتي .

نكثت رأسها :أنا آسفة والله بس كان لازم يعرف لأنه بيكره الكدب اوي
ابتسم بحسرة وندم أنها تعرف شقيقه اكثر مما يعرفه هو :
طب هو عملك حاجة يعني زعق شتم كسر

هزت رأسها نافية لكنها قالت : أنا عارفة ان مش من حقي اسأل عن حاجة ماتخصنيش ، لكن انا عايزة اعرف انتوا بتشتغلوا ايه ؟ قالت جملتها مصوبه سهام الشك مباشرة لالياس .
عقد حاجبيه وبعدم فهم اردف : مش فاهم بتسألي ليه عن شغلنا
ردت بحزم وقد كانت ترمقه بنظرات مقززة لم يفهم سببها : هو ايه الغريب في السؤال ، اظن الشغل مش سر ولا هو شغل مش تمام
اردف الياس وقد تملكه الغضب من نظرتها ونبرتها المتهكمة : محدش قال انه سر ، إحنا معانا شركة مقاولات خاصة بينا انا ومهاب ورازي الممول بتاعنا ، وشركة استيراد وتصدير خاصة بوالدي الله يرحمه ..
لم يرضي فضولها هذا الكلام لكنها قررت أن تكشف كل ما لديها من أوراق بحسب تفكيرها وقالت: ورازي بيه بيشتغل ايه اظن شركة استيراد وتصدير مش محتاجة اوضة مليانة سلاح
قالت كلمتها بصوت مرتفع نوعا ما بطريقة ساخرة
رمقها معاتبا بغضب وقد فهم بعض من شكوكها ضيق عينيه واردف : دا اتهام واضح يا آنسة قدر ، اظن ان احنا لو أخلاقنا مش كويسة كنا هنتصرف معاكي تصرف تاني أنتي عارفاه كويس ، وإن كان على مساحة الخصوصية اللي انتي اقتحمتيها بدون إذن فاحب اقولك ان رازي اخويا كان ظابط مخابرات قبل الحادثة ، وخسر شغله بسبب الحادثة دي دا كل اللي اقدر اقوله
أنهى كلامه بنبرة عتاب قاتله اتسعت عيناها من الدهشة شعرت كثيرا بالحرج هؤلاء الناس لم ترى منهم إلا كل خير كيف تصوب لهم الاتهامات علنا وهي الآن في كنف رعايتهم وتشهد الله انه لم يرمقها أحد حتى بنظرة تشعرها بالخجل لقد راعوا الله فيها ، هي آلان بصدد التكفير عن ذنب عظيم ارتكبته ، ركدت خلف الياس

تهتف بصوت جوهري : الياس ، استنى لو سمحت

توقف على الدرج زفر بحنق وقال : ايه في اتهام تاني نسيتي تقوليه ، هتقولي إننا جماعة اتجار بالبشر مثلا .

_انا اسفة
كان هذا ردها وقد اغرورقت عيناها بالدموع

تنهد طويلا وأغلق عينيه مسح على وجهه ؛ ليستعيد هدوءه