بقلم الشيماء مسعد

امر سناء بصنع فنجان قهوة سادة له وتحضره للخارج
دلف إلى مكتبه احضر سلاحه وضعه في حزام خصره
وقف بعيدا يراقب ، لمحها تدخل الاسطبل عقد حاجبيه وتحرك حذرا خلفها .
وقف على باب الاسطبل بالخارج ليسترق السمع

ابتسمت قدر وقالت محدثة الخيول بحماس : صباح الفل على اجمل أجمل فرسة شفتها يارب تكوني نمتي كويس

نظرت إلى جوكي
وقالت : إنت الحصان بتاع السيد دراكولا ، كان الله فى عونك عشان متحمل شخص غامض قاسي زي دا

أعادت نظرها إلى جوليان الفرسة وقالت : لكن انتي رقيقة اوي ما تستاهليش انك تعيشي هنا وسط القسوة دي

تنهدت طويلا ثم تابعت : بتفكريني بنفسي اوي كنت عايشة في عالم مش بتاعي ، كنت بعاني مرارة العالم المختلف عني اللي كنت محبوسة فيه ، لكن حتى دلوقتي برضو مكتوب عليا اعيش مع شخص قاسي يا …. انتي صحيح اسمك ايه
اتاها الرد من الخارج : اسمها جوليان
شهقت بفزع وقالت : مين هنا ؟؟
رد بتهكم : دراكولا

نظرت بحرج من هذا اللقب الذي سمعه لكنها قالت بضيق : هو متأكد ان حضرتك بني آدم زينا ، أنا بدأت أشك انك بسم الله الرحمن الرحيم

ابتسم ابتسامة جانبية خفيفة لكنها جعلته يبدو رائعا
فكرت انت لو هتبتسم مرة واحدة في اليوم كده القصر دا زهوره هتفتح يا اخي .
ابتعدت عن جوليان كانت ستذهب لكنها وقفت حين سمعته
يقول : جوليان وجوكي بيحبوا الناس الواضحة الصريحة آنسة ممرضة ، لو حابة تصاحبيهم خليكي واضحة معاهم

اربكها بكلامه تشعر الآن أنه يقرأ عيون الناس حتما سيكشفها انها تكذب عليه ، يا الهي ماذا أفعل كانت هذا تفكيرها.

اكملت سيرها وهي تقول : لما يكون عندي حاجة مخبياها اوعدك هاجي احكيها لجوليان اول واحدة
تحركت إلى المنزل كان لديها فضول تعرف ما به لما انعدمت عنده الثقة في كل البشر
وصلت المطبخ قررت أن ترضي فضولها سألت سناء

قائلة : سناء ممكن تحكيلي الحادثة اللي اتعرض لها رازي بيه

ردت سناء بصدق و قالت : أنا ما اعرفش حاجة يا ست قدر انا لما جيت هنا كان رازي بيه طريح الفراش مش بيقوم من مكانه خالتي أمينة هي اللي جابتني أصل أنا من الارياف يا ست قدر
نال منها الاحباط بعض الشئ لكن قررت أن تتوجه إلى السيدة أمينة فهي المربية الخاصة برازي والياس حتما لديها ما تقوله
اقتربت منها كانت تصلي الظهر وما ان انتهت حتى جلست بجوارها
قالت قدر : تقبل الله يا ست أمينة .
ابتسمت أمينة بوقار وقالت : منا ومنكم أن شاء الله