بقلم الشيماء مسعد 3

وصلوا أخيرا الشقة دقت نورين الباب فتحت والدتها السيدة مريم هوى قلبها أرضا وقالت : نورين انتي كويسة يا حبيبتي
وجهت كلامها للأستاذ عبد الناصر وقالت : مين حضرتك وايه اللي حصل لبنتي ؟

رد برسميه: أنا مدرس الفيزياء و نورين بتاخد عندي درس في السنتر ، بعد ما خلصنا الشرح نورين داخت وكانت هتقع فأنا عرضت عليها اوصلها لأني قلقت عليها
ردت بقلق وهي تقرب ابنتها إليها : مالك يا حبيبتي حاسة بإيه

ردت نورين بحزن : مافيش يا ماما انا كويسة

اقترح عبد الناصر : خليها تدخل ترتاح دلوقتي يا مدام

ردت مريم : طب اتفضل حضرتك اشرب حاجة ، أنا متشكرة اوي لحضرتك بجد

تحركت نورين إلى الداخل وهي تتمنى الا يفصح الاستاذ عبد الناصر عما رآه منذ قليل

قبل أن تغلق مريم الباب طلب الاستاذ عبد الناصر : ممكن كوباية مية يا مدام
قالت مريم بترحيب : اكيد ، اتفضل جوا
قال : أنا تمام كده

دلفت مريم إلى الداخل واحضرت المياه كانت نورين في غرفتها معتقدة ان الاستاذ عبد الناصر غادر
وعندما أحضرت مريم كوب الماء له تناوله وارتشف منه ومد إليها كارت وقال : دا الرقم بتاعي ارجو تكلميني ضروري بخصوص نورين
هزت رأسها بالموافقة وقد تسلل الشك إلى عقلها وبدأت تفكر ياترى ماذا يعلم عن ابنتي أنا لا أعلمه ؟ ..
_______________________
كانت هاجر قد حسمت امرها وقررت الذهاب إلى مهاب وإبلاغه بالحقيقة كاملة وما حفزها اكثر هو اعتراف إياد بأنه يحب وخطوبته لها ما الا مجاراة لوالده ..

وصلت الشركة واستأذنت السكرتيرة بأن تدخل لمهاب
لم تقل اسمها بل قالت إنها تريده في أمر مهم وعاجل

دلفت السكرتيرة لمهاب وقالت : فيه واحدة عايزة تقابل حضرتك يا باشمهندس برا
رد هو : ماقلتش مين؟
قالت السكرتيرة : لا يافندم بس بتقول انها جاية في حاجة مهمة وعاجلة
حك طرف أنفه وقال بتفكير : دخليها يمكن شغل

وما ان دلفت هاجر ووقعت عيناه عليها حتى تجمد هرب الكلام من فمه لحظات ثم رد بجمود : كابتن هاجر عندنا اهلا اهلا ، وانا اقول المكتب منور ليه ، ايه جايبة خطيبك معاكي ولا جاية من وراه ، عيب اوي تروحي تزوري صاحبك من ورا خطيبك يا كابتن
ردت عليه بحزن: مهاب لو هتتاعمل كده أنا همشي
رد متصنعا اللامبالاة في حين بداخله بركان يغلي : لا تمشي ازاي ، صحيح الف مبروك انا ما قدرتش اقولهالك من قريب ، أنا كمان هاخطب قريب بس هعزمك مش هاكون ندل زيك يا هوجو
ردت بحنق : بقى كده يعني هتخطب وتتجوز ، يعني انا اللي رقصت على ادي الملاك البرئ وانا بعيط ، تصدق انا غلطانة اني جيت احكيلك انا مريت بإيه
استدارت لتغادر بدأ يدندن بصوت عالي : اللي باعنا خسر دلعنا
تمتمت بتوعد : ماشي يا مهاب انا هندمك
_________________________
كان اليوم ينذر بأن الطقس لم يكن بأفضل حالاته ، وأكد ذلك خبراء الارصاد الجوية على التلفاز ومواقع التواصل الاجتماعي ، لكن أحدهم لم يشاهد هذا ولا ذاك ، كان رازي بعيدا كل البعد عن وسائل التواصل الاجتماعي يعيش في عزلته وعالمه الخاص الذي صنعه لنفسه …