رواية غصب عنك بقلم نيمو محمد الاخير
نسخ
🔥 رواية غصب عنك هتبقي ليا يا نيمو 🔥
بقلم نيمو محمد
الفصل الأخير
لما الديب ركع قدام نيمو
نرمين كانت واقفة قدام عواطف ودموعها بتنزل من غير ما تحس
إنتي تقصدي إيه يا طنط؟ يعني إيه أنا مش البنت اللي أبويا قالي عليها؟
عواطف مسكت إيديها وقعدتها جنبها وقالت بصوت مكسور
إنتي بنتي يا نرمين
نرمين شهقت ورجعت لورا وهي مش مصدقة اللي سمعته
إيه؟!
عواطف كملت وهي بتعيط
أنا خلفتك من تلاتة وعشرين سنة وفي نفس الليلة اللي اتولدتي فيها حصلت مصيبة قلبت حياتنا كلها أبو فارس كان عايز يسيطر على أرض أبوكي الحقيقي وكان مستعد يعمل أي حاجة عشان ياخدها وأبوك الحقيقي عبد الرحمن كان صاحبه وأخوه قبل ما الفلوس والطمع يفرقوا بينهم
نرمين حطت إيديها على راسها
استني استني إنتي بتقولي إن عبد الرحمن مش أبويا؟
عواطف هزت راسها
عبد الرحمن أخدك ورباكي بعد ما أمك ماتت وهو كان فاكر إنه بيحميكي من اللي حصل لكن لما أبو فارس مات اتهم عبد الرحمن إنه السبب وبدأت حرب بين العيلتين
نرمين قامت وهي بتعيط
يعني كل عمري اللي عشته كدب؟ يعني الراجل اللي رباني وسهر على تعبي مش أبويا؟
عواطف مسكت إيديها بسرعة
لأ يا بنتي عبد الرحمن أبوكي اللي رباكي وده عمره ما كان كدب الحب اللي اداكي ليه حقيقي حتى لو الحقيقة وجعتك
في اللحظة دي دخل فارس وكان سامع آخر الكلام
وقف مكانه وبص لأمه بصدمة
إنتي بتقولي إيه يا أمي؟
عواطف رفعت عينيها له وقالت
بقول الحقيقة اللي كان لازم تعرفها من زمان
فارس قرب منها وصوته بيرتعش من الغضب
يعني عبد الرحمن مقتلش أبويا؟
عواطف هزت راسها
لأ يا فارس أبوك مات بسبب المنشاوي اللي كان شريكه وكان عايز يستولي على الأرض لنفسه وعبد الرحمن حاول ينقذه لكنه فشل
فارس رجع خطوتين لورا كأن حد ضربه على صدره
كل السنين دي
كل الكره اللي عاش بيه
كل اللي عمله في عبد الرحمن
كل ده كان مبني على كدبة!
بص لنرمين فلقاها بتعيط وبتبص له بنظرة عمره ما شافها في عينيها قبل كده
نظرة انكسار
قالت بصوت مبحوح
كنت هتدمر أبويا عشان تنتقم منه وهو بريء؟
فارس ما قدرش يرد
نرمين مسحت دموعها وقالت
كنت عايز تتجوزني عشان تذله وتثبت إنك أقوى منه صح؟
فارس نزل عينيه للأرض
في الأول أيوه
نرمين ضحكت وسط دموعها
وفي الآخر؟
رفع عينيه لها وقال بصوت مكسور
في الآخر بقيتي الحاجة الوحيدة اللي خايف أخسرها
