بقلم الشيماء مسعد 3

وقال بهدوء : مالك يا بنتي ؟ حصل معاكي حاجة لا سمح الله
ردت وهي تزيح دموعها بتوتر وقالت : لا يا مستر مافيش انا هاقوم امشي
وما ان وقفت لتمشي حتى كادت تسقط لأنها لم تأكل منذ عرفت بخبر خطبة اياد وهاجر ، كادت تسقط مما دفع الاستاذ عبد الناصر بمساندتها وعرض عليها : أنا هوصلك بيتكم
قالت ومازال صوتها يرتجف من أثر البكاء : لا مش عايزة اتعب حضرتك هاخد أوبر
قال بحزم : يا بنتي مافيش تعب ولا حاجة انتي زي بنتي
مسك يدها وتحركا ناحية سيارته….
__________________________________

بعد قضاء يومين في الساحل عاد الياس ومهاب الي القاهرة ظل مهاب في الشقة نائما لكن الياس ذهب إلى الشركة ليباشر عمله
جلس هو وفاطمة لانهاء بعض الاعمال كانت هي تشرح وتتحدث وهو شارد تماما عقله لا يتوقف عن التفكير ، إلى متى ستظل تخبئ مشاعرك إلى أن يأتي شخص آخر وياخذها منك مثلما حدث مع مهاب الذي لم يصارح هاجر بحبه حتى وجدها تضيع منه في لمح البصر

كانت فاطمة تقول بعملية : احنا شغلنا عشرين عامل كمان عشان نقدر نسلم الشغل في معاده المحدد و…

قطع كلماتها قوله المباغت : فاطمة انا بحب

صمتت برهة تستوعب وتفكر يا للكارثة هل يحب غيري لا مستحيل
وبعدها ردت بهجوم : حب … حب ايه وكلام فارغ ايه .. الحب دا يا باشمهندس خرافة مالهاش اي اساس من الصحة حاجة بضيع الوقت والجهد والفلوس واهم حاجة الفلوس

بتر كلماتها قوله بصدق : فاطمة انا بحبك انتي

طالعته بصدمة وقد احتلت المفاجأة معالم وجهها رمشت عدة مرات متتالية ثم ابتلعت لعابها وجاهدت لتخرج اول كلمة بعدما هربت الكلمات من فمها
قالت : أنا؟؟ !
هز رأسه بابتسامة جذابة
ثم ردت ببرائتها المعهودة : طب ممكن تنسى كل الكلام اللي قولته من شوية انا انسحب ، الحب يا باشمهندس هو أسمى شئ في الوجود ، ويجب أن تغسل أسنانك قبل الأكل وبعده

ضحك على غباءها فنهرت نفسها وقالت: لا الحكمة دي مش وقتها دلوقتي
هبت واقفة وقالت : أنا لازم امشي افتكرت حاجة
خرجت مهرولة إلى الخارج وقبل ان تخرج استدارت له وقالت : يا باشمهندس انت وصلتني بتنا قبل كده صح
هز رأسه بنعم
ثم تابعت : طب بابا مستنيك في نفس العنوان اللي وصلتني فيه وركدت للخارج
هز رأسه بمعني الا فائدة من تلك المجنونة الجميلة وقال : مجنونة …..