بقلم حليمه عدادي

أمل بعدم تصديق : لالالا أكيد إنت غلطان بنتي عايشه صح ياسيف هو غلطان ..

سيف بصلها بألم ودموعه نزلت
أمل بصراخ : رد علياااااااااا ياسيف ملاك كويسه بنتي لسه عايشه صح ..

سيف بألم : اهدي يا أمل ..

أمل: متقوليش اهدي ياسيف بنتي ماتت بنتي راحت ..
نزلت على ركبها وفضلت تضرب الأرض بإيديها
سيف قومها وخذها في حضنه ودموعه نزلت

أمل بإنهيار : ملااااااك راحت ياسيف اخذوا مني حياتييييي وبنتي ..
كانت بتصرخ وتضرب صدر سيف بإيديها
فجأه سكتت والدنيا لفت بيها ووقعت على الأرض
مغمي عليها بصلها بخوف
سيف : أمل أمل ردي عليا دكتور بسرعه ..شالها ودخلها الأوضه

الدكتور : ممكن تطلع ياسيف بيه ..

خرج سيف وقعد على أقرب كرسي ودموعه نزلت طلع تلفونه واتصل بامه
رحمة بلهفه : سيف وصلتوا لحاجة يابني لقيت أمل و ملاك ..

سيف ببكاء : ملاك ماتت ياماما ملاك راحت وأمل تعبانه أوي ..

رحمة بدموع : لا حول ولا قوة إلا بالله ياعيني عليكي يابنتي ..

سيف : ماما تعالي أنا محتاجلك ..

رحمة : حاضر ياحبيبي مسافة الطريق وأكون عندك خليك قوي علشان أمل ..
****************************************

مايا كانت بتتخنق وجسمها بدأ يرتخي
غزال مالقتش حل غير إنها مسكت عص*يا وض*ربت ايد بيجاد بقوة
بيجاد صرخ بألم : اااااه إنتي عملتي إيه يامجنونه ..

غزال : إنت هتودي نفسك في داهية بسببها ..

بيجاد : أنا هقتلها هي السبب حرمتني من أمي انطقي إنتي عملتي كدا ليه وفين ماما ..

خالد دخل يجري لما سمع صوتهم العالي بص لمايا اللي كانت بتكح جامد ووشها بقى لونه أحمر
خالد : إيه اللي بيحصل هنا مايا مالك ..

بيجاد : وديت ماما فين واتزوجت عشيقتك ..

خالد قرب من بيجاد وضربه بالقلم
خالد بعصبية : إنت بتتكلم مع أبوك أمك ماتت ..

بيجاد : ماتكذبش عليا ياتقولي الحقيقة وإلا هبلغ البوليس وهو اللي هيتصرف معاكم ..

خالد : أمك ماتت ومحدش يعرف اللي قتلها ..

بيجاد : بلاش كذب غزال سمعت كل كلامك مع الهانم مراتك ..

مايا بغضب : أيوه أمك عايشه إتفضل روح دور عليها ..

بيجاد بدموع : بابا اتكلم ماما عايشه بجد ..

خالد : أيوه أمك عايشه ..

بيجاد : ماما فين قولي مكانها فين ليه كذبت عليا ..

خالد : أنا كنت بكره أمك واتجوزتها علشان أرضي بابا ..