بقلم حليمه عدادي

بيجاد : كان ممكن ترفض ليه تحرمني منها ..

خالد : أمك كانت بنت الشغاله وبابا أجبرني إني اتجوزها وإلا هيحرمني من الميراث وأنا كنت بحب مايا ..

بيجاد : حرام عليك كنت فاكر إنك قلبك طيب طلعت من غير قلب ..

خالد : اتجوزتها وحملت بعد سنة ويوم ولادتها بابا مات هي جابت توأم إنت وأختك
طردتها هي والبنت وإنت فضلت معانا علشان إنت وريث العيلة ..

بيجاد بغضب : إنت طلعت شيطان أنا خجلان أقولك بابا ، فين ماما
غزال إطلعي لمي حاجتك هنسيب البيت دا ..

خالد : معرفش هي راحت فين أنا طردتها من خمس وعشرين سنة ..

بيجاد : من النهاردة انسى إن ليك إبن إسمه بيجاد حتى الفلوس والشركه أنا هسيبهوملك ..

نزلت غزال وهي شايله شنطتها بيجاد مسك ايدها وخرجوا من الفيلا ركبوا العربية واتحركوا بيجاد مابقاش قادر يستحمل نزلوا دموعه
غزال بدموع : بيجاد ماتضعفش هتلاقيها ..

بيجاد : حرمني من كلمة ماما حرمني من حضنها وحنيتها كنت بزعل لما شوف صحابي مع أمهاتهم وأنا لا ..

غزال : خلاص انتهى الشوق وهتلاقي والدتك ..

تلفونه رن بصله شاف رقم سيف
بيجاد : الو أيوه ياسيف وصلت لحاجة ..

سيف بحزن : ملاك ماتت يابيجاد أنا بالمستشفى ..

بيجاد بصدمه : إنت بتقول إيه ..

سيف : ماتت يابيجاد ماتت بجرعة سم وأمل في المستشفى ..

بيجاد : أنا جاي حالاً ياسيف ..

قفل التلفون وبص لغزال هو عارف إنها متعلقه بملاك
غزال بخوف : في إيه يابيجاد ملاك و أمل حصلهم حاجة ..

بيجاد بدموع : ملاك ماتت بالسم ياغزال حتى هي ماقدرتش تهرب من شرهم ..

غزال بإنهيار : لاااااا يابيجاد مش ممكن ملاك أكيد عايشه ..

بيجاد : اهدي ياحبيبتي البقاء لله
انفجرت في البكاء و هي مش مصدقه اللي حصل ..

********************************************
في المستشفى طلعوا ملاك ودفنوها
غزال ببكاء : ليه حصلها كدا دي لسه صغيرة عملتلهم إيه ..

سيف بدموع : الصبر من عندك يارب مش قادر أشوف أمل وهي موجوعه أنا قلبي واجعني أوي ..

رحمة : ربنا يصبرها أنا خايفه عليها ..

بيجاد : ملاك كانت بنتي وأكتر حاجه حلوه حصلتلي ربنا يرحمها ..

رجعوا كلهم للمستشفى
سيف : طمني يادكتور أمل عامله إيه ..

الدكتور : اتعرضت لصدمه عندها إنهيار عصبي ادتها مهدئ لازم تبعدوها عن أي ضغط نفسي ..