بقلم حليمه عدادي

خرج الدكتور من الأوضة سيف راح ناحيته بلهفه
سيف : طمني يادكتور أمل مالها ..

الدكتور : إطمن هي كويسه بس لازم تبعد عن أي ضغط أو توتر علشان الجنين يكون بخير ..

سيف : جنين جنين إيه يا دكتور ..

الدكتور : إنت متعرفش إن المدام حامل ولازمها راحه تامه ..

سيف بدموع : إنت بتتكلم جد يادكتور أمل حامل ..

الدكتور : أيوه المدام حامل ألف مبروك ..

سيف : يامنتا كريم يارب الحمدلله أنا مش مصدق أنا عايز اصرخ ..

رحمة بفرحه : الله يبارك فيك يادكتور ..

سيف : إمتا هتفوق يادكتور ..

الدكتور : شوية وتفوق ..

خرجت رحمة مع الدكتور
سيف قعد جنب أمل مسك إيدها باسها بكل حب كان مبسوط
سيف : عارف إن مفيش حاجه ممكن تعوضك عن ملاك الحمدلله ربنا عوضنا يمكن ترجعلك الضحكه من ثاني ياحبيبتي

أمل بدأت تفتح عينيها بتعب
سيف : أمل حبيبتي إنتي كويسه حاسه بحاجه ..

أمل بتعب : إيه اللي حصل ياسيف أنا كنت واقفه بعدها مش فاكره حاجة ..

سيف بفرحه : شكلها كانت عايزه تبلغنا إنها جايه ..

أمل : مين دي اللي هتيجي ..

حط إيده على بطنها وبصلها بحب وفرحه
سيف : النونو اللي جاي في السكه إن شاءالله ..

أمل بدموع : قصدك إن أنا حامل ياسيف ..

سيف : أيوه ياقلب سيف هيكون عندنا بنوته حلوه شبهك ..

أمل ببكاء : ياريت ملاك كانت معانا والبيبي كمان ..

سيف : ربنا يرحمها
سيف خذها في حضنه والفرحه كانت مش سيعاه ..

************************************************
بيجاد : شرط إيه ..

مايا : تتنازل عن نص الشركة والأملاك ليا ..

خالد : إنتي بتقولي إيه يامايا إنتي اتجننتي ..

بيجاد : وإيه اللي يضمنلي إنك هتقوليلي مكان أمي بعد ما تأخذي اللي عايزاه ..

مايا : إطمن خالد هو اللي هيضمن وزينة كمان ..

بيجاد بلهفه: دادة إنتي تعرفي مكان ماما قوليلي مكانها فين أرجوكي ..

زينة : أيوه يابني أنا عارفه بس مش هقدر أقولك ..

بيجاد : ليه يادادة اتكلمي مش إنتي بتعتبريني إبنك ..

زينة بزعل : غصب عني يابيجاد يابني سامحني مش بإيدي حاجة اعملها ..

مايا : ريح نفسك زينة مش هتقولك حاجة ..

بيجاد : ماشي يامايا هانم بالليل نتقابل في الشركة هكتبلك نص الشركة لكن أقسم بالله لو طلعتي بتكذبي هدفنك مكانك ..

مايا : إطمن هتقابل والدتك وأختك بعدما ماتنفذ اتفقنا ..