بقلم حليمه عدادي

سيف بغيظ : بتبوسي إبن أختك بعدين مين سيفو دا ..

أمل : إنت ياحبيبي أجمل سيفو ههههه ..

سيف وقف العربية فجأه
سيف : قلب سيفو بصي إنتي هتغمضي عينيك ومش هتفتحيهم لحد ما أقولك ماشي ..

أمل : وأغمض عينيا ليه ..

سيف : عايز أخطفك علشان وصلنا للمفاجأه ياحبيبتي ..

أمل: فين المفاجأة عايزه أشوفها ياريت ملاك كانت معانا ..
بصت لتحت ودموعها نزلوا

سيف : حبيبتي هي في مكان أحسن من هنا ربنا يرحمها ..

أمل بدموع : وحشتني أوى ياسيف ..

سيف مسح دموعها : ربنا يرحمها اهدي حبيبتي ..

مسك ايدها ونزلوا من العربية
سيف : غمضي عينيك علشان المفاجأة متروحش ..

أمل غمضت عينيها مسك ايدها وبدأ يمشي لحد مادخل لمكان وقف
سيف : ها مستعده علشان تفتحي ..

أمل بحماس : أيوه أفتح ..

سيف : 1 2 3 فتحي يلا ..

أمل فتحت عينيها حطت إيدها على بوءها ونزلت دموعها

************************************************

نادية دخلت تجري لأوضة بنتها
سيلا : في إيه ياماما ..

نادية: آسر جه وشاف راشد قدام الباب هو والمأذون ولما آسر عرف إنك هتتجوزيه ضربه ..

سيلا بدموع : يانهار إسود وآسر ياماما حصله حاجة ..

نادية : عمالين بي*ضربوه قدام في الحارة وسط الناس مافيش حد قدر يدخل ..

سيلا : بسرعه ياماما تعالي ساعديني علشان أخرج ..

نادية زقت الكرسي وخرجوا شافت الناس مجتمعين وآسر مرمي على الأرض ورجالة راشد نازلين فيه ض*رب
راشد بغيظ : إض*ربوه علشان مرة ثانية مايبصش لحاجه بتاعت راشد ..

آسر : حتى لو ضربتني من هنا للصبح مش هسمحلك إنك تأخذ سيلا ..

راشد : إضربوه ماترحمهوش لحد مايتمنى الموت ..

سيلا بإنهيار : أرجوكم سيبوه أنا موافقه اتجوزك سيبوا يمشي علشان خاطري ..

آسر : لا ياسيلا مش هسمحله يتجوزك ..

سيلا ببكاء : إسكت ياآسر وأمشي من هنا ..

نادية : أرجوك ياراشد بيه سيبوا واتجوز سيلا ماحدش هيمنعك ..

فجأه جه صوت من وراهم
أنا بمنعه

خفايا القدر

٢٩&٣٠
الفصل 29

بصوا كلهم لمصدر الصوت وهما خايفين ومشفقين على الشخص دا لأنهم عارفين ظلم وجبروت راشد
راشد بصله بسخرية : وإنت تطلع مين علشان تمنع جوازي شكلك استغنيت عن روحك ..

بيجاد : أنا بيجاد الشهاوي وشايف إنك إنت اللي مستغني عن روحه سيب الشاب ..

راشد : إمشي من هنا وإلا مصيرك هيكون نفسه مصيره ..