بقلم حليمه عدادي

سيف بحزن : نقدر نشوفها يادكتور ..

الدكتور : تقدر تدخلها بس بلاش الكلام الكتير

سيف دخلها وهو قلبه واجعه والدموع بعينيه أول ما دخل تصادم

٢٧&٢٨
الفصل 27
سيف اتصدم لما مالاقاش أمل في مكانها راح للحمام فتحه لكن مش موجوده
خرج يجري زي المجنون والخوف والقلق باينين عليه
بيجاد : سيف في إيه أمل كويسه ..

سيف : أمل مش موجوده يابيجاد ..

بيجاد: اهدى ياسيف يمكن تكون في الحمام ..

سيف: دورت عليها برضو مش موجوده ..

غزال : يمكن نقلوها أوضة تانيه اسأل الدكتور ..

بيجاد: تعالى ياسيف نسأل الدكتور ..

الدكتور جه لما شافهم
الدكتور:في إيه ياسيف بيه بتدوروا على إيه ..

سيف : إنتوا نقلتوا مراتي فين يادكتور هي مش موجوده في الأوضة ..

الدكتور : ماحدش نقلها هي لسه بأوضتها ..

سيف بصدمه : إزاي يعني ماحدش نقلها أومال هي راحت فين يارب احميها ..

رحمه : يارب استرها معاها واحفظها ..

تلفون سيف رن مسكه بإيد بتترعش
سيف بخوف : الو أيوه ياحضرة الضابط في حاجة. ..

الضابط : مدام أمل موجوده عندنا هنا طلبت إنها تشوف السجينة فريده ..

سيف : وإنتوا سمحتوا إنها تشوفها ..

الضابط : هنعمل ايه هي مصره إنها تشوفها بس الغريبه إنها كانت هاديه جدا..

سيف بغضب مكتوم : أنا جاي حالاً ..
سيف قفل التلفون ونزل يجري

بيجاد: سيف إستنى في إيه عرفت حاجة عن أمل ..

سيف : أمل راحت القسم عايزه تشوف فريده أنا متأكد إنها هتعمل حاجة ..
ركب عربيته واتحرك بسرعه على قسم البوليس

بيجاد : طنط اركبي معانا علشان نلحق سيف ..

************************************************
في قسم الشرطه دخلت أمل عند فريدة كان هدوءها مخيف
فريدة بشماته : ههههه البقاء لله يااموله ..

أمل قربت منها بهدوء ونظارتها كانت هاديه
فريدة : عايزه تضربيني يا اموله ولا إيه ..

أمل مسكت فريده من شعرها بقوة ونزلت فيها ض*رب بكل الغيظ اللي فيها
أمل بإنهيار : أنا هقت*لك يافريدة ..

فريدة وقعت على الأرض من قوة ضرب أمل
أمل خرجت تجري مسكت عصيا
ورجعت لفريده وفضلت تض*رب فيها بكل قوتها ضرب*تها في كل مكان في جسمها ماسابتش فيها حته سليمه
فريدة نزف*ت من كل حته في جسمها العساكر دخلوا يجروا مسكوا أمل

أمل بغل : سيبوني أقتل*ها دي لازم تم*وت ..