بقلم حليمه عدادي

احمرت عيون بيجاد كور إيديه حتى برزت عروقه وقف بغضب حارق دخل للبيت وغزال بتجري وراه بتنادي عليه علشان يقف

غزال : بيجاد إستنى ماتعملش حاجة وإنت متعصب ..

بيجاد بصوت عالي : خالد بيه إنت فين مايا هانم إنتوا فين تعااااااالوا ..

خرجت مايا وهي متعصبه من صوته العالي
مايا بضيق : إيه اللي بيحصل هنا صوتك عالي كدا ليه ..

قرب منها بيجاد مسك*ها من رقبتها وض*عط عليها
مايا وهي بتتخنق : ااااا بيجاد سيبني أنا هم*وت ..

غزال مسكت إيده حاولت إنها تبعدوا لكن بيجاد الغضب كان مسيطر عليه وبدأ يخن*قها بإيديه

***********************************************

في عربية سيف تلفونه رن رد بسرعه
سيف : حضرة الضابط طمني وصلتوا لحاجة ..

الضابط : حددنا مكانها واتحركنا ..

سيف : ابعتلي العنوان أنا جاي معاكم ..

الضابط : تعالى ***** لكن ماتتهورش وتعمل أي حاجة قبل مانوصل ..

سيف: تمام ماتتأخروش ..

سيف اتحرك بعربيته بسرعة البرق
وهو يدعي إنها تكون بخير
بعد مدة سيف وصل للعنوان كان البوليس بيقتحم المكان نزل يجري ودخل لجوا يدور عليها وهو خايف
وقف بصدمه لما شاف يشكلها

الفصل 26
سيف اتصدم لما شافها بتصرخ وهي شايله ملاك ووشها كله د*م
جري ناحيتها وحضنها
سيف : اهدي يا أمل أنا هنا ..

أمل بإنهيار : ملاك بت*موت ياسيف

سيف شال ملاك وبصلها ماكنتش بتتحرك
سيف : أمل قومي خلينا نوديها المستشفى بسرعة ..

سيف خرج يجري بيها وأمل بتجري وراه وهي منهارة ركب العربية وأمل ركبت جنبه واتحرك بسرعه البرق بعد مدة قصيرة وصل قدام المستشفى نزل بسرعة من العربية دخل المستشفى وهو بيصرخ
سيف : دكتورررر بسرعه بنتي بتموت ..
الدكاترة شالوها ودخلوا علشان يكشفوا عليها أمل كانت هتدخل مسكها سيف من ايدها
أمل ببكاء : سيبني أروح معاها ياسيف ..

سيف : أمل حبيبتي إهدي الدكتور هيكشف عليها الأول وندخلها ..

بصتله ودموعها نازلين بغزاره وشهاقتها تعلوا
أمل : ربنا ينتقم منهم دمروا حياتي خلوني عايشه في كابوس ودلوقتي عايزين يحرموني من بنتي ..

سيف خذها في حضنه وقلبه بيتقطع عليها وهو شايفها بالشكل دا
خرج الدكتور وهو منزل رأسه بحزن
سيف بلهفه : خير يادكتور طمنا ..

الدكتور بحزن : البقاء لله جرعة الس*م كان قويه جسمها الصغير مستحملهاش ..