عرف صعيدي تسنيم رشدي
بعد بدر ماخلص شغله رجع البيت اول لما دخل كانت مريم طالعه من المطبخ وقفت قصاده مش عارفه تتحرك وهو وقف مش عارف يقول ايه قرب منها وهو متوتر
والكلام طلع بالعافيه مريم انا عارف انك زعلانه منى انا اسف انا مكنتش فى وعى سامحينى
مريم بصت على الارض واتكلمت وهى بتفرك اديها بتوتر حصل خير
بدر طيب اعملى حسابك بكره هنسافر الصعيد امى تعبانه شويه هروح اطمن عليها
مريم بلهفه مالها خالتى فيها ايه
بدر بصلها قوى وقلبه عمال يدق بس حاول يسيطر عليه الحاج بيقول عندها برد بس انا مش مطمن عليها
مريم خلاص نروح دلوقيت
بدر مش هينفع علشان الشغل بكره بعد الشغل هنسافر
مريم انشاء الله هتبقى بخير
بدر طيب انا هدخل انام شويه
مريم بسرعه لا استنى لما تتغدا الاول ميشان تاخد علاچك
بدر وقف بصلها وابتسم ماشى هغير واجى
دخل بدر ومريم دخلت المطبخ وهى كالعاده بتلوم نفسها
وصلت تالا الفندق هى وجاسر وراحت الاستقبال تاخد المفتاح
موظف الاستقبال انسه تالا فى واحده سألت على حضرتك ومستنياكى من امبارح
تالا استغربت واحده مين
سمعت صوت هنا تالا
جريت تالا عليها حضنتها وهى مړعوبه عليها انتى ايه الى رجعت مصر مش خاېفه حد يشوفك
هنا قوليلى الاول انتى كنتى فين من امبارح
قرب جاسر منها ازيك حضرتك عامله وحشانى
هنا سهمت جاسر
جاسر ابتسم ايوا جاسر
هنا كنت فين كل دى غيبه واتقبلتوا ازاى
تالا لا دى حكايه طويله بس انا عايزه اعرف جيتى ليه انتى طول عمرك رافضه تنزلى مصر ايه الى جد
هنا تعالى احكيلى الاول انتى وبعدها هفهمك كل حاجه
جاسر وتالا حكولها الى حصل من اول ماكان هيخبطها لحد الى حصل لساره
هنا قعده مسهمه واتكلمت وهى مزهوله معقول هو فى ناس كده فى الدنيا
هنا غمضت عنيها وافتكرت ابو سليم والى عمله فيها اتكلمت بۏجع الظاهر انا وانتى يابنتى مكتوب علينا تبقى حياتنا لعبه بين ايدين ناس متعرفش ربنا
تالا بصتلها باستغراب قصدك ايه ياماما
هنا بصتلها وعنيها دمعت هقولك على كل حاجه
وبدأت تحكلها كل اللعبه الى جدها عملها علشان يبعد سليم عنها
تالا فضلت ساكته وجاسر عنيه عليها ومش فاهم هى فرحانه ان ابوها طلع مظلوم ولا زعلانه تعبير وشها مكنش بيدل على اى حاجه
بعد سكوت طال سالتها هنا ساكته ليه يابنتى انا قولت هتفرحى اول ماحكيلك ان ابوكى برئ
تالا قامت وقفت وبصت لجاسر وهنا انا هطلع اوضتى تعبانه وعايزه ارتاح شويه عن اذنكم
طلعت تالا وهنا مش فاهمه هى مالها جاسر قعد جنبها مټخافيش عليها سيبها تستوعب الى حكتيه وانشاء الله هتبقى كويسه
هنا انا متوقعتش رد فعلها ده كنت فاكرها هتفرح
جاسر ابتسم هى اصلا مش مصدقه الى حكتيه
هنا بصتله قوى وانت عرفت ازاى !!!!
جاسر باين على وشها جدا ورد فعلها ده علشان حست انك مصدقاه
هنا سهمت شويه وقامت وقفت انا هطلعلها
جاسر قام سيبيها لحد ماتهدها وبعدها نتكلم معاها
هنا سكتت وقعدت تانى مش عارفه تعمل ايه
