ملك إبراهيم مليكه الاخير

ملك إبراهيم الأخير
ومن اول يوم جواز عرفت مرض جوزها وانه كان محتاجها جنبه ممرضه مش زوجه.. ولحد ما مات هي كانت بالنسبه له ممرضه وبس.
رجعت للحاضر.
ورفعت عينيها لمازن.
يوم فرحي كنت بموت من جوايا.
شعر مازن بقلبه بيتقبض.
لكن فضل ساكت.
فكملت
وبعد ما سافرت… حاولت أتأقلم.
وقدرتي؟
هزت رأسها بالنفي.
لا.
سكتت لحظة.
ثم قالت
عارف أصعب حاجة كانت إيه؟
نظر إليها بصمت.
فابتسمت بمرارة.
إني كل يوم أصحى وأفتكر إني خسرت الإنسان الوحيد اللي حبيته في عمري كله.
اتسعت عينا مازن.
ولأول مرة من سنوات…
شعر أن الأرض تهتز تحت قدميه وسألها
حبتيه؟
همسها من غير ما يشعر.
نزلت دموعها.
عمري ما حبيت غيرك.
ساد الصمت.
صمت طويل.
ثقيل.
مؤلم.
أما مازن فكان بيحاول يستوعب كلامها.
كل السنين اللي فاتت…
كل الكره.
كل الوجع.
كل اللي بناه جواه…
بدأ يتشقق.
لكنه فجأة تذكر شيئًا.
فقال بحدة
لو ده حقيقي… ليه ما حاولتيش تتواصلي معايا؟
انكمشت ملامحها.
وأخفضت رأسها.
حاولت.
كدب.
والله حاولت.
إمتى؟
بعد سفري بأسبوع.
رفع حاجبه.
وبعدين؟
ابتسمت بوجع.
لقيت رقمك مقفول.
اتجمد مكانه.
لأنه بالفعل…
غير رقمه بعد سفرها مباشرة.
هربًا منها.
ومن ذكرياتها.
ومن وجعه.
وكأنها قرأت الصدمة في عينيه.
فقالت
وبعدها كتبتلك إيميل.
إيميل؟
أيوة.
مجاليش أي حاجة.
نزلت دموعها.
وأنا بعت عشرات الرسائل.
سكت.
أما هي فأكملت

بصوت مبحوح
كنت عايزة أقولك إني مجبرة.
كنت عايزة أقولك إني بحبك.
كنت عايزة أقولك متكرهنيش.
ثم ضحكت بمرارة.
بس واضح إن ولا رسالة وصلت.
قبض مازن على يده بقوة.
لأول مرة…
بدأ يرى الصورة كاملة.
أو جزءًا منها على الأقل.
لكن قبل أن يتكلم…
رن هاتف المكتب.
التقطه بضيق.
أيوة؟
وفجأة تغيرت ملامحه.
ونهض واقفًا.
إيه؟!
رفعت مليكة رأسها بخوف.
أما هو فأغلق الهاتف بسرعة.
والتفت نحوها.
وعيناه مليئتان بالصدمة.
فيه شاهد جديد ظهر.
اتسعت عيناها.
شاهد؟
هز رأسه ببطء.
ثم قال الجملة التي جعلت الدم يتجمد في عروقها
والشاهد ده بيقول إن اللي لبسك القضية…
واحد من إخوات جوزك بنفسه.
وفي اللحظة نفسها…
كان شخص مجهول يقف خارج مبنى النيابة.
يراقب كل شيء من داخل سيارة سوداء.
أخرج هاتفه.
واتصل برقم محفوظ عنده.
وقال ببرود
شكلها بدأت تتكلم.
جاءه الرد سريعًا
يبقى لازم تسكت… قبل ما الحقيقة كلها تظهر.
وأغلق الخط.
كانت مليكة قاعدة قدام مازن، والصدمة مرسومة على وشها بعد ما عرفت إن فيه شاهد مستعد يشهد ضد أهل جوزها.
مين الشاهد ده؟
سألته بصوت مهزوز.
مازن قفل الملف وقال
واحد كان شغال عند عيلة جوزك… وقرر يتكلم.
يعني هتثبت براءتي؟
بصلها لحظة طويلة.
لو فضل عايش.
اتجمدت مكانها.
يعني إيه؟
يعني الشاهد ده في خطر.
وفي نفس اللحظة دخل أمين الشرطة بسرعة.
يا فندم… الشاهد اتعرض لحادث.
وقف مازن فجأة.
إيه؟!
عربية خبطته قبل ما يوصل النيابة.
سادت لحظة صمت ثقيلة.
أما مليكة فحست إن الدم انسحب من وشها.
همست
هما…
رفع مازن عينه ليها.
أيوة… واضح إنهم مستعدين يعملوا أي حاجة عشان متاخديش الورث اللي اتكتب بأسمك.
بعد ساعات…
كان مازن واقف قدام أوضة العناية المركزة في المستشفى.
الشاهد لسه عايش.
لكن حالته خطيرة.
وقف يبص من وراء الإزاز.
وكل شكوكه بدأت تتحول ليقين.
القضية دي متدبرة.
ومليكة غالبًا بريئة.
لكن المشكلة إنه لسه محتاج دليل.
دليل ينسف القضية كلها.