رجعت بيتي حكايات نيمو محمد
لكن وأنا راجعة للصالة سمعت صوت إشعار على تليفوني
كانت رسالة جديدة من نفس الرقم المجهول
آخر سطر فيها كان أخطر من كل اللي قريته قبل كده
الفلوس اللي أبوكي سابهالك مش هي السر الوحيد يا سارة اسألي أمك ليه شهادة ميلادك الأصلية اتغيرت بعد ولادتك بأسبوع
وقفت مكاني وأنا حاسة إن الأرض بتنسحب من تحت رجلي
لأن شهادة ميلادي الأصلية كانت موجودة في الظرف البني
ولما رجعت أبص عليها لقيت تاريخ إصدارها بعد ولادتي بأسبوع فعلا
وفي اللحظة دي سمعت خبطتين على باب الشقة
فتحت الباب وأنا متوقعة ألاقي منى
لكن اللي كان واقف قدامي راجل كبير في السن ماسك ملف أسود وباصصلي بعيون مليانة حزن
قال بصوت واطي
إنتي سارة محمود
هزيت راسي وأنا مش فاهمة
مدلي الملف وقال
أنا كنت محامي والدك الحقيقي والوقت جه علشان تعرفي مين إنتي بجد
وقبل ما أسأله أي سؤال بص ناحية السلم وقال بسرعة
بس لازم نتحرك حالا لأن أمك عرفت إني جيتلك ولو وصلت قبل ما أقولك الحقيقة ممكن كل الأدلة تختفي للأبد
