رواية مراتي المجنونه بقلم نيمو محمد الاخير
نسخ
😂🔥 رواية مراتي المجنونة هتدخلني مستشفى الأمراض العقلية 😂❤️
✍️ بقلم نيمو محمد
الفصل الثالث والأخير: أبو جوزي طلب الطلاق من ابنه 😂💍
ـ أحمد يا ابني، افتح الباب! أنا وصلت!
أحمد كان واقف في نص الصالة، بيبص لملك اللي كانت لابسة بيجامة البطات، وحاطة على شعرها فوطة، وماسكة طبق مكرونة.
ـ ملك! أبويا وصل! بالله عليكي، النهارده بالذات عايزك تتصرفي بعقل!
ملك بصتله بجدية.
ـ متقلقش يا حبيبي، أنا هبقى أعقل واحدة في البيت.
أحمد اتنهد براحة.
ـ بجد؟!
ـ طبعًا، أنا حتى هخلي أبوك يطلب مني نصايح في التربية!
أحمد رجع حط إيده على دماغه.
ـ يا رب، أنا عملت إيه في حياتي؟!
الباب خبط تاني، وأحمد فتح.
دخل الحاج محمود الشناوي، راجل في الستين من عمره، طويل وعريض، ووشه ملامحه جدية جدًا.
ـ السلام عليكم.
أحمد باس إيده.
ـ وعليكم السلام يا حاج، نورت الدنيا.
الحاج بص حواليه، وبعدين عينه وقعت على ملك اللي كانت واقفة بتاكل مكرونة من الطبق.
ـ إنتِ ملك؟!
ملك بلعت بسرعة وقالت:
ـ أيوه يا عمي، وأنا آسفة إني مش هقدر أسلم عليك بإيدي، عشان إيدي عليها صلصة، ومش عايزة أسيب بصماتي في ق\ضية ق\تل القميص الأبيض!
أحمد غمض عينيه.
الحاج محمود بص لابنه.
ـ هي بتقول إيه يا أحمد؟!
أحمد ابتسم بتوتر.
ـ أصلها… بتحب الهزار يا حاج.
ملك قربت من الحاج ومدتله طبق المكرونة.
ـ اتفضل يا عمي، دي مكرونة بالبشاميل، عملتها مخصوص عشانك.
الحاج بص للطبق.
ـ أنا مبحبش المكرونة بالبشاميل.
ملك سحبت الطبق بكل هدوء.
ـ ولا يهمك يا عمي، أنا كمان مكنتش بحبها، بس اتعودت عليها من ساعة ما اتجوزت ابنك.
أحمد انفجر ضحك، وحاول يحولها لكحة لما شاف نظرة أبوه.
الحاج قعد على الكنبة وقال بحزم:
ـ بصي يا ملك، أنا راجل بحب النظام، ومش بحب الهزار الكتير، والبيت لازم يكون له كبير، وكلمة الراجل هي اللي تمشي.
ملك هزت راسها باحترام.
ـ كلامك صح يا عمي، الراجل لازم يكون له كلمة.
الحاج ابتسم بانتصار.
ملك كملت:
ـ والست لازم يكون ليها كلمتين، عشان لو الراجل نسي الأولى تفكره بالتانية!
أحمد وقع على الكنبة من الضحك.
الحاج محمود بصله.
ـ إنت بتضحك على إيه يا بني؟!
أحمد قام بسرعة.
ـ أبدًا يا حاج، دي كحة موسمية!
—
على الغدا، الحاج محمود قرر يختبر مرات ابنه.
ـ يا ملك، هاتيلي المية.
