ميار

الموضوع فضل يكبر وكل مرة يقربوا من بعض يرجعوا يبعدوا بكلمة جارحة وكل مرة اماني تقول لميار يا ميار روحي قوليله انك بتحبيه هتخسريه كده تقول لها لو بيحبني بجد هو اللي هيجي ويقول مش انا اللي هروح اقول وفهد نفس الكلام مصطفي يقوله يا فهد ما تقول لها وتريحنا كلنا يقول له انا فهد محدش شافني بضعف قدام حد ولو هي بتحبني هتيجي هي تقول الاول لحد ما في يوم فداء قالت لميار على فكرة فيه شركة كبيرة في دبي طلبت فهد للشغل وهو شكله موافق وهيسافر وميار سمعت الخبر ده واتجمدت في مكانها وحست ان قلبها وقع منها بس عملت نفسها عادي وقالت لها بجد طب كويس ربنا يوفقه هيسافر امتى قالت لها بيقولوا كمان اسبوع وهيخلص ورقه ويمشي وميار طول الليل منامتش وفضلت تفكر طب هو هيمشي بجد طب انا هعمل ايه طب اروح اقوله متسافرش طب وكرامتي وكبريائي هيروحوا فين لو قولتله كده وهيقولي ايه لو رفضني

وفهد من ناحيته كان مستني ميار تيجي تقوله متسافرش كان عاوز يسمعها منها انها بتحبه وكان فاكر انها لو بتحبه بجد هتمنعه يسافر وكان كل يوم يعدي من تحت بيتها ويستناها تنزل بس هي مكنتش بتنزل وكانت قافلة على نفسها في اوضتها واماني بتحاول معاها يا ميار ده هيسافر بجد وهيقولوا انه حجز التذكرة خلاص قالت لها يسافر هو حر انا مالي بيه قالت لها يا شيخة بطلي كدب انتي بتحبيه وهتموتي لو سافر قالت لها حتى لو بحبه مش هروح اقول له اقعد عشاني هو اللي لازم يختار بيني وبين السفر لوحده وفهد كان قاعد مع ماجد ومصطفي وقال لهم انا خلاص هسافر ومش هرجع تاني ماجد قاله يا فهد انت بتهزر هتسيب ميار وتمشي قال له ميار مين ميار دي واحدة مغرورة وعنيدة ومش فارق معاها حد قال له يا جدع انت بتضحك على نفسك ولا علينا ده انت بتحبها من زمان قال له حتى لو بحبها هي مبتحبنيش ولو كانت بتحبني كانت قالتلي خليك

جه يوم السفر وفهد كان مجهز شنطته ورايح المطار واماني جريت على ميار وقالت لها قومي يا ميار فهد في المطار دلوقتي حالا لو ملحقتيهوش هتندمي طول عمرك قالت لها مش هروح قالت لها يا ميار بطلي جنان دي اخر فرصة ليكي هتسيبيه يمشي كده قالت لها وكرامتي قالت لها كرامة ايه اللي بتتكلمي عنها الحب مفيهوش كرامة الحب فيه اتنين بيجروا ورا بعض لحد ما يمسكوا ايد بعض ولو فضلتي تفكري في كرامتك هتفضلي لوحدك طول عمرك وميار فضلت ساكتة شوية ودموعها نزلت وقالت يعني اروح اقوله ايه دلوقتي قالت لها قوليله اللي في قلبك قوليله انك بتحبيه وانك مش قادرة تعيشي من غيره قوليله الكلمة اللي بقالك سنين مخبياها جوا قلبك وخايفة تقوليها