رواية غصب عنك بقلم نيمو محمد الاخير
إزيك يا نرمين؟
ردت بهدوء
الحمد لله
حط العلبة على الترابيزة وقال
أنا مش جاي أضغط عليكي ولا أقولك إنك لازم تسامحيني أنا جاي أقولك إن من حقك تختاري حياتك وأنا مش هقف في طريقك تاني
نرمين بصت له وقالت
والجواز؟
فارس ابتسم بحزن
الجواز من غير رضاكي مش جواز يا نرمين وأنا مش عايزك تبقي مراتي عشان أبوكي وافق ولا عشان أنا كبير الجبالي أنا عايزك تبقي مراتي لو قلبك اختارني
نرمين دموعها لمعت
وإنت متأكد إنك بتحبني مش عشان أنا بنت الراجل اللي كنت بتكرهه؟
فارس قرب خطوة وبعدين وقف مكانه
أنا كنت فاكر إني عايز أنتقم من أبوكي لكن الحقيقة إني كنت بهرب من وجعي ومن يوم ما شوفتك وإنتي واقفة قدامي مش خايفة مني عرفت إن فيه حاجة فيكي مختلفة بس كنت غبي ومتكبر لدرجة إني ما فهمتش إن الحب مش معركة لازم أكسبها
نرمين سكتت شوية وبعدين قالت
أنا مش عايزة راجل يخوف الناس كلها وييجي عليا أنا عايزة راجل لو الدنيا كلها وقفت ضدي أحس إنه أماني مش خوفي
فارس رد بصوت هادي
وأنا هفضل أتعلم لحد ما أبقى الراجل اللي تستاهليه حتى لو أخد مني العمر كله
نرمين بصت له طويلًا
وبعدين سألت السؤال اللي كان جواها من أول يوم
ولو اختلفنا هتعمل إيه؟
هسمعك
ولو زعلت؟
هصالحك
ولو قلتلك لأ؟
هحترم لأ
ولو حد قرب مني؟
فارس ابتسم ابتسامة صغيرة وقال
هغير طبعًا يا نيمو بس عمري ما هحبسك عشان أطمن على قلبي أنا هخليكي تحسي بالأمان عشان تختاري تفضلي معايا
نرمين ما قدرتش تمنع ابتسامتها
أهو ده الكلام اللي كنت عايزة أسمعه من زمان
فارس رفع عينيه لها بلهفة
يعني سامحتيني؟
نرمين قربت منه وقالت
أنا ممكن أسامحك يا فارس بس الثقة بترجع بالأفعال مش بالكلام
هز راسه وقال
حقك عليا يا نيمو
ابتسمت وقالت
ومين سمحلك تناديني نيمو؟
فارس ضحك لأول مرة من قلبه
يعني لسه زعلانة مني؟
ردت وهي بتضحك وسط دموعها
على حسب هتعاملني إزاي يا ديب
فارس مد إيده ليها لكنه استنى
نرمين بصت لإيده وبعد لحظة حطت إيدها في إيده بإرادتها
وفي اللحظة دي حس فارس إنه كسب أغلى حاجة في حياته مش لأنه أجبرها تيجي له لكن لأنها اختارته بنفسها
وبعد شهر وقف فارس قدام بيت السيوفي ومعاه أمه ورجال عيلته وجاي يطلب نرمين رسمي من أبوها
المرة دي ما كانش فيه تهديد ولا س\لاح ولا شروط
كان فيه راجل واقف قدام الباب بيقول
