زهرة الربيع
امه ابتسمت وقالت….لحقت جوعت يا عريس عاصف بعد عيونه عنها ومشى ايده على رقبتو بحرج وقال..احم..لا مش علشاني..البنت الي فوق دي.احم…جاعت وكانت دايخه احسن تحصلها حاجه نتبلي بيها سلوى رفعت حواجبها بدهشه وقالت..اممم…قولتلي..طيب…بالهنا على قلبها عاصف بصلها وقال …ايه…على فكره مفيش اي حاجه من الي في بالك ومستحيل يكون..علشان انا فاهمك عاصف قال كده وطلع وسلوى ضحكت وثالت بخبث…انا كمان فهماك كويس يا ابن بطني بعد شويه دخل عاصف وقال بضيق..الاكل هيجي كمان شويه..تاكلي كويس وبعد كده تخلي بالك لاكلك مش عايز مشاكل في صحتك الفتره دي مش ناقص ابني يطلع ضعيف بسببك
نسيم ضحكت ويصتلو بدهشه وقالت..ابنك….هو فين ابنك ده…ده انت لو متجوزني حامل مش هنلحق نعرف بيه عاصف ابتسم وقال..لا مش حامل…ولسه طازه..والحق يتقال..محدش لمسك قبل كده حتى نسيم اتكسفت جدا من كلامو الجرئ وقالت…احم…ايه الكلام ده ما تتكلم كويس عاصف قرب منها وابتسم على كسوفها وقال…طب ما تردي..قوليلي كلامي صح ولا غلط نسيم بقت تتهرب من نظراتو وقالت بتوتر..بتقول ايه انت …هو ايه الي صح ولا غلط عاصف قال …انا اتأكدت اني كنت غلطان..وانك لسه بنت محدش لمسك ….بس الي متأكد اني مش غلطان فيه ان ملكيش اي تجارب وانك محدش قربلك ابدا ..يلا بقى متتهربيش ردي على سؤالي
نسيم بعدت عنو وقالت بتوتر..سؤال ايه مش فاهمه عاصف قال ..سؤالي واضح..كان ليكي تجارب قبل كده…مع شباب يعني…محصلش واحد عمل حاجه كده حاجه كده لمسه كده او كده …اخلصي مش هتحايل عليكي متعمليش هبله نسيم اتنهدت وقالت بكسوف ..احم..فيه واحد كان..كان جارنا و..وبيحبني …ومره..احم..مره نسيم كانت متوتره قوي ومكسوفه جدا وعيونها في الارض وقالت…احم.مره نزلت اجيب حاجات..وانا وراجعه قابلني ..فأخد مني الحاجه وصلهالي..وهو وبيدهاني حط ايده على… بس قبل ما تكمل عاصف قال بسرعه وسخريه ..اوبا…حط ايده على ايه قولي يا شريفه يا منتقبه متتكسفيش
نسيم بصتلو بضيق وقالت…انت فهمت ايه..حطها على ايدي…فوق الجوانتي…بس حسيت انو قاصد عاصف اندهش وقال…حطها على ايه يا اختي نسيم قالت بسرعه..على ايدي..بس زي ما قولتلك حسيتو قاصد عاصف قال..حط ايده على ايدك نسيم قالت…اه عاصف رجع قال..وفوق الجوانتي نسيم قالت..الحمد لله كنت لبساه عاصف ضحك وقال…دي تجاربك في الحياه…يعني بقالك ساعه تطقطقي في صوابعك..وتتهربي وهتموتي من الكسوف علشان مسك ايدك …وفوق الجوانتي كمان..ده انا دماغي جريت على كل حته في جسمك..بفكر حط ايده فين
