زهرة الربيع
اول ما خرجو عاصف قفل الباب بخنقه وبص لنسيم بنظره مخيفه و اتقدم على الدلاب طلع منو قميص نوم قصير جدا ومكشوف ورماه في وشها وقال…وانتي متعملهاش مناحه..هدخل اخد شور اطلع من الحمام الاقيكي لابسه القميص ده وجاهزه..خلينا نخلص بقى من الورطه المهببه دي قال كده ودخل الحمام بغضب ونسيم كانت بتبكي بشده بصت للقميص بدموع وهيه مش عارفه تعمل ايه تحت عند سلوى حكت لنفين اتفاقها مع عاصف وفكره انو يجيب طفل من نسيم وبعد كده هيه تاخدو
نفين ملامحها اتغيرت ميه وتمانين درجه وهديت جدا بعد ما كانت مش راضيه تسكت وقالت…اممم…يعني كده..طب مقولتوليش من الاول ليه..بس على فكره يا طنط..الطفل ده هيبقى ابني انا يعني هيه تنساه خالص حتى متطلبش تشوفه سلوى اتنهدت وقالت..متخافيش احنا اتفقنا والطفل ده اعتبريه ابنك عند عاصف خرج من الحمام وهو بينشف شعرو بس اتصدم صدمة عمره لما شاف نسيم قدامو بشكل عمره ما اتخيله كانت لابسه قميص النوم الي اختاره بس كان له شكل تاني عليها..كانت قمر بمعني الكلمه..بصلها باعجاب شديد وقرب منها وقال…انتي..انتي مين…مستحيل
تسنيم كانت منزله وشها الارض وبتتفرك في اديها بخوف عاصف قرب منها ورفع وشها بطرف صوابعو تسنيم فتحت عيونها وبصتلو لاول مره وكان هيتجنن من جمال عيونها عن قرب…وملامحها الجميله البريئه وقال..انتي ازاي عندك الجمال ده ومخبياه ..ده انا كنت فاكر انك بس سكت ومكملش وبص بعيد بيحاول يهدى مش عايزها تاخد بالها من اعجابة الشديد الي واضح في عيونه اتنهد وقال..احم…انا قصدا يعني لو مكنتيش منتقبه كنتي استفدتي بجمالك ده…وبصلها وقال بوقاحه…لما تكون الواحده جميله ورخيصه في نفس الوقت بتكسب كتير
نسيم رفعت عنيها ليه بغضب من كلامو وبصتلو جامد بعيونها الوساع الجميله عاصف كان كل ما يحاول يرجع لطبيعتو معاها ويهنها زي العاده..يرجع يرتبك قدام عنيها اتنهد وقال..احم…ما علينا المهم…خلينا نركذ في الي اتجوزنا علشانو ..طبعا علشان هيه ليله واحده الي هقضيها سوا..وبعد كده مش عايز اشوف خلقتك نسيم بصتلو بسخريه وقالت…اتفضل..انا كمان عايزه اخلص عاصف قرب منها و نسيم غمضت عنيها وقبضت اديها على اطراف القميص بخوف وبقت دموعها تنزل غصب عنها
عاصف استغرب جدا ورغم انو كان من جواه هيموت عليها بس مقدرش بعد ما شافها خايفه كده… بعد وقال بغضب…بتعيطي ليه دلوقتي..انا من غير حاجه مش طايقك وبعمل كده اجباري نسيم مسحت دموعها بسرعه وقالت …حضرتك انا..ممنعتكش اتفضل كمل وملكش دعوه بدموعي عاصف اتنهد وغمض عنيه بخنقه وقال..هو انتي فاكره لما تعملي الحركات دي هصدق انك بريئه وغلبانه والحورات دي..انا متأكد انك واحده رخيصه باعت نفسها بالفلوس..وعلشان تثبتي انك مش كده اصريتي تتجوزيني واهو بعدين تقولي كنت متجوزه عاصف الصقر والاسم لوحدو كفايه..فبلاش الحركات دي مش هتمشي معايا
