زهرة الربيع

لحد في يوم نزل عاصف الصبح رايح الشركه زي كل يوم وقفتو والدتو وقالت…عاصف استنى عاصف وقف وقال..نعم يا ماما سلوى قالت حبيبي تعرف مين سأل عليك انهارده كمان عاصف اتنهد وكان متأكد انها نسيم وكام بيتمنى يسأل عليها ويعرف اي خبر عنها .. بس قال بضيق …تاني الموضوع ده يا ماما ..قولتلك مش عايز اعرف مين بيسأل مبقاش يهمني سلوى قالت بدموع..يا حبيبي انا السبب انا الي جبتها وقولتلها تعمل خدامه وانا الي اخترعت قصه جدك وقصة الورث والحفيد ..انا عملت كل ده كنت عايزه اخلصك من العقربه الي اسمها نفين..بعد ما اعرفت انها بتكدب علينا..نسيم ملهاش ذنب

عاصف قال بغضب..ذمبها انها خبت عني وخدعتني انتي سامحتك لانك امي بس مش نضطر اسامحها قال كده ولسه هيمشي وقفتو امه وقالت بسرعه .نسيم حامل يا ابني عاصف وقف بزهول شديد وسلوى قالت..البنت عايشه لوحدها كل اهلها مقاطعينها..علشان اتجوزت من وراهم..ولو دلوقتي الناس عرفت انها حامل محدش هيرحمها محدش هيصدق انها كانت متجوزه عاصف كان واقف بزهول وسعاده الدنيا في قلبلو حاول يسيطر على فرحتو وقال بجمود مصتنع..احم ..وانا..انا مالي

سلوى اتنهدت وقالت..عاصف انت طول عمرك ذكي جدا …حاول تفكر بس بعقلك..وتقولي ايه الي يخلي بنت صغيره وجميله ومن عيله زي نسيم تشترك في اللعبه دي..وتغامر بسمعتها واهلها..وتستحمل اهاناتك دي كلها وتعمل نفسها خدامه وهتتجوز علشان الفلوس عاصف لما قالت كده انتبه لكلامها كانت فعلا دي الاسأله الي مش لاقي لها اجابه..فهم ان نفين خبت موضوع عمليتها علشان تتجوزو .وفهم ان والدتو عملت كده علشان تحميه..انما نسيم ليه وافقت على لعبه هيه اكتر واحده خسرانه فيها ..ده الي مش لاقيلو جواب

بس اتصدم باجابتو لما امه قالت…نسيم بتحبك اوي با عاصف..بتحبك من زمان..كانت تيحي تقعد عندي بالساعات علشان تشوفم بس وانت داخل وخارج..كانت بتعشقك من قلبها..وانت عمرك ما خدت بالك ليها حتى..رغم انها كل يوم كانت عندنا بس عمرك ما قولتلها كلمه …انا انا لما قولتلها وافقت من غير تردد على امل انك ممكن تحبها زي ما بتحبك ارجوك يا ابني متعملش فيها كده عاصف كان مصدوم بكلامها وقال..بتحبني..نسيم بتحبني سلوى قالت بدموع.. ايوه يا عاصف بتحبك ..وانا الي استغليت حبها لصالحي ياريتني ما قولتلها تعمل كده..هيه صغيره وافتكرت انك ممكن تحبها زي ما بتحبك يارتني ما ورطتها كده