بقلم الشيماء مسعد الاخير

وقف الشاب الآخر وهو يعتصر ذراع نورين ويقول لها : ماشية على حل شعرك مين دا يا بت اللي شوفتك كذا مرة ماشية معاه
اشتعلت النيران في صدر إياد استطاع أن يفلت من قبضة الآخر وانقض على الشاب الذي يقبض على ذراع نورين
وفجأة أخرج الشاب الآخر سلا\ح ابيض طعن به إياد في جنبه صرخت نورين وكادت تفقد الوعي
كان ابن عمها على وشك طعن إياد مرة أخرى حتى
صدحت نورين : إياد ابن الوزير أمجد نصار ، هيوديكم في ستين داهية

خرج الطلاب من مركز الدروس على صوت صراخ نورين هرب أبناء عمها حينما علما هوية اياد وقد اتيا لأخذها عنوة لأن والدتها رفضت مرات عديدة بأن يتزوجها ابن عمها ، وقد كانا يراقبنها منذ فترة
وقع إياد أرضا وهو يمسك جنبه ويتألم ، خرج الاستاذ عبد الناصر توغل داخل التجمع اتسعت عيناه من الصدمة حينما رأي إياد ينزف وبجواره نورين تنتحب
لذا صدح : حد يساعدني نشيله نوديه المستشفي
نظر إياد إلى نورين وهو يقول : ماتخافيش يا حبيبي انا كويس اهدي
_______________________
عدى النهار ورازي اخذ قدر وعادا إلى القصر ، كانت السيدة أمينة وسناء في انتظارهم ، استقبلتهم بحفاوة وكانت قد اشتاقت كثيرا لرازي
قال رازي : سناء جهزي العشا بسرعة احنا واقعين من الجوع
قالت سناء : حالا يا بيه، دانا عاملة كل الاكل اللي بتحبه
ابتسم لها وقال : كل الاكل اللي بتعمليه جميل يا سناء
تحركت قدر لتصعد غرفتها لكن اوقفها رازي قائلا : قدر
نظرت إليه اقترب منها بابتسامة جذابة التقط كفها وقبض عليه وقال : عندي ليكي مفاجأة
أخذها إلى غرفتها وما ان فتحتها اتسعت عيناها من المفاجأة

ندبات قدر
الفصل السابع والعشرون

تحركت قدر لتصعد غرفتها لكن اوقفها رازي قائلا : قدر
نظرت إليه اقترب منها بابتسامة جذابة التقط كفها وقبض عليه وقال : عندي ليكي مفاجأة
أخذها إلى غرفتها وما ان فتحتها اتسعت عيناها من المفاجأة
وقالت وهي تصيح من الفرحة : مكتبة
احتضنت رازي وهي تقول بامتنان وسعادة : شكرا يا رازي انك في حياتي
بادلها العناق وهو يقول : أنتي اللي لازم اشكرك لأنك رجعتي الحياة تاني لقلب رازي .
ابتعد عنها وقال : فيه حاجة تاني كان نفسي تبقى مفاجأة لكن مش هقدر اخبيها
استمعت له بانتباه وهو يكمل : هاعملك احلى فرح يا ست البنات ، جهزي نفسك واستعدي كويس للفرح
اتسعت ضحكتها وهي تطالعه محاولة استيعاب كم هو شخص جميل رائع في كل شئ
امسكها من ارنبة انفها وقال : أي أوامر تانية سمو الأميرة
زمت شفتيها وأخذت تفكر لبرهة ثم قالت : فيه حاجة كده نفسي فيها بس خايفة تتريق عليا
ضحك وقال : لا مش هتريق وعد
تنهدت بحماس وقالت : نفسي اجرب احساس المخطوبين عن حب ايه رأيك فترة قبل الفرح نبقى مخطوبين
رفع حاجبه وقال : مخطوبين ؟! يعني هدايا ورد ودباديب وكده
هزت رأسها بنعم
ضيق عينيه وقال : ماشي ، مانا اللي جيته لنفسي على كل حال
قرب وجهه من وجهها واغمض عينيه وقال : مافيش شكرا
دفعته للخارج وهي تقول : مافيش واحدة مخطوبة بتبوس خطيبها يا سيد رازي
ضحك وهمس لها : تصدقي واحشتني
قالت بعدم استيعاب: هي ايه دي
قال : سيد رازي
ابتسمت له وقالت : طب يلا يا سيد رازي امشي عشان عايزة اغير هدومي
قال هو بغيظ : ماشي ، بكرة تندم يا جميل ، أنا في مكتبتي تحت وماحدش يجي يلتصق فيا ويقول محتاج استلف كتب
ضحكت وهي تشير الى مكتبتها وقالت محاولة تسير استفزازه : عندي واحدة
ضغط على شفته السفلى بأسنانه وهو يقول : مانا اللي جيته نفسي فعلا
____________________
في المستشفى
استفاق إياد بعد إجراء جراحة له بعدما تلقى طعنة من أبناء عمومة نورين
كانت نورين مازالت تنتحب وهي تعض يدها من الخوف والقلق على إياد بجوارها الاستاذ عبد الناصر الذي لم يتركها لحظة
وصلت السيدة مريم لأن نورين هي من هاتفتها وطلبت منها الحضور وقصت عليها كل ما حدث
أتت مريم واحتضنت ابنتها التي ما ان رأتها حتى ازداد نحيبها وكأنها قد وجدت من تفرغ معه كل ما تشعر به من آسى وحزن بعد ذلك اخرجت السيدة مريم نقود من حقيبتها واتجهت ناحية الحسابات لكنها تفاجأت حينما علمت ان الاستاذ عبد الناصر قد دفع تكاليف المستشفى
عادت لهما وقالت بحرج وهي تمد النقود لعبد الناصر : احنا بنتعبك معانا اوي يا استاذ عبد الناصر ، اتفضل دا حساب المستشفى
بهت وجهه وقال : عيب في دا يا مدام مريم ، شيلي الفلوس بتاعتك
اعادت النقود إلى حقيبتها وقالت : شكرا ، المهم إياد كويس
قبل أن يتفوه عبد الناصر خرج الطبيب وأعلن ان إياد استعاد وعيه وهو بحالة جيدة الآن
تنفست نورين الصعداء ودلفوا جميعا للداخل للاطمئنان عليه
اقتربت نورين وقالت بقلق : إياد ، بقيت كويس ، حاسس بإيه
ابتسم لها رغم المه وقال محاولا ان يبدو طبيعي ولا يتفوه بما يستفز مريم : الحمد لله انا بخير يا حبيب…
بتر كلمته حينما حدجته مريم بنظرة مرعبة
اكمل هو : الحمد لله بخير يا نورين
اطمئنت مريم وقال عبد الناصر : الدكتور قال انك ممكن تخرج
اسرع إياد يرد : انا مش هينفع اروح البيت ، ابويا هيفتحلي تحقيق وممكن يكبر الحوار ، مش عايز نورين تدخل في حوارات لحد ما اشوف هاتصرف ازاي مع ولاد عمها