سما
في الشركة كان فيه شاب اسمه مازن بيشتغل في الحسابات وكان صاحب مراد من أيام الجامعة، مازن كان طيب وعكس مراد تماما، وكان دايما يقول لمراد يا ابني بطل غرورك ده، البنت الغلبانة دي هتطفش منك، مراد يقوله دي غير أي بنت شفتها، ومروان مدير الأمن بتاع الشركة كان دايما يضحك ويقول لمراد باشا انت وقعت ولا الهوا رماك، مراد كان بيزعق فيهم ويقولهم بطلوا هبل.
سما كانت كل يوم ترجع البيت مهدودة، حنين صاحبتها تقولها سيبي الشغل الزفت ده، تقولها مقدرش أمي علاجها غالي، سلمي اللي في الريسبشن كانت بتغير منها عشان حاسة إن مراد مهتم بسما، فكانت بتوقع بينهم، مرة سلمي قالت لمراد إن سما بتتكلم عليه وحش مع العملاء، مراد نادى سما وبهدلها قدام الشركة كلها، سما عيطت لأول مرة بس ماردتش عليه، دخلت الحمام وقعدت تعيط وبعدين مسحت دموعها وطلعت قالتله على فكرة انت مدير فاشل، المدير الناجح بيسمع من الطرفين مش بيسمع من سكرتيرة الريسبشن وخلاص، مراد سكت وبص للأرض وحس إنه غلط، بليل بعت لها مسج قالها أنا آسف، سما مردتش.
سما روحت البيت في اليوم ده وهي حاسة إنها مخنوقة، قعدت تحكي لأمها عن اللي بيحصل، أمها قالتلها يا بنتي الراجل ده شكله ابن ناس بس تربية الفلوس صعبة، انتي استحملي عشان أخوكي، سما قالت حاضر، تاني يوم الصبح صحيت بدري ولبست نفس الطقم وراحت الشركة، لقت مراد مستنيها على الباب وقالها انتي اتأخرتي دقيقتين، هخصم منك نص يوم، سما قالتله براحتك، هو اتغاظ إنها ماردتش عليه، دخلت مكتبها وبدأت ترتب الملفات، مازن عدى عليها وقالها متزعليش هو كده مع الكل، سما قالتله أنا مش زعلانة أنا متعودة على القرف.
مراد كان عنده اجتماع مع شركة كبيرة وكان محتاج عرض تقديمي، سما قعدت طول الليل تعمله، عينيها ورمت من قلة النوم، قدمت العرض والعميل انبهر جدا، مراد كان فرحان بس مرديش يبين، قالها كويس بس كان ممكن يبقى أحسن، سما اتضايقت وقالت في سرها يا رب صبرني، مروان شافها وهي خارجة تعبانة وجاب لها عصير وقالها اشربي يا بنتي انتي شكلك تعبانة، سما شكرته وقالتله انت الوحيد الطيب هنا، مروان ضحك وقالها بكرة مراد هيبقى طيب والله.
سلمي كانت كل شوية تدخل لمراد بحجة الشغل وتحاول تغريه، تلبس ضيق وتضحك بصوت عالي، مراد كان بيطردها من المكتب، مرة قالها يا سلمي أنا مش عاوز دلع أنا عاوز شغل، سلمي اتحرجت وخرجت وهي بتعيط وراحت قالت لزمايلها إن سما هي السبب، سما سمعت الكلام وطنشت، حنين كلمتها في التليفون وقالتلها خلي بالك من البت دي، سما قالت متخافيش أنا بعرف آخد حقي.
