لقد عشقها 3
منى : احم تفطر
سيف دون أن ينظر لها : فطرت عن اذنك .
تركها و ذهب تحت صدمتها فقد كان يكلمها امس و هو في غاية السعادة و ينتظر أن يراها لكنه حتى لم ينظر لها
رجع بيته يلكم و يضرب و يصرخ : انا غبي كلهم زي بعض كلهم
……
اسبوع و معاملته لها من سئ لأسوأ لا تدري ما السبب ظهر سواد حول عينيها و بدأ وزنها بالنزول بصورة واضحة تعبت كثيرا
سارة : ملعون ابوه الحب يارتني عمري ما قولتلك حبي كنت بتضحكي و منورة كانت الدنيا جميلة اوي بضحتك
منى بدموع : تعب قلبي اوي اوي مش عارفة ليه بيعمل كدة عملت لي ايه انا لازم اروحله مش حافضل كدة انا تعلقت فيه جدا يا سارة
و فعلا قررت ان تتكلم معه مهما كلف الأمر انتظرته أمام مكتبه حتى أتى عندما شاهدها اخفض عينيه كانه لم يراها و دخل المكتب طرقت الباب حتى جاءه صوته أن تتفضل
منى : ممكن نتكلم
سيف و هو ينظر للورق : اذا حاجة في المنهج ممكن
أغلقت الباب و هي تصرخ: لا مش في المنهج انا عايزة اعرف ليه بتعمل معايا كدة
سيف بابتسامه : عملت ايه بالضبط
منى ” ليه متغير معايا من فترة حصل ايه
سيف : متغير ازاي ليه هو كان في ايه بينا
منى بدموع : لا كان في مش عايزة يفضل فيه بس عايزة تقولي ايه اللي حصل
سيف : روحي على محاضرتك انا عندي محاضرة
منى : و انا مش حاتحرك من هنا غير لما تقولي
سيف : اللي حصل انك بينتي على حقيقتك
منى بعدم فهم : حقيقة ايه
سيف : كفاية تمثيل بقى ايه ما بتزهقيش
منى : اعتبرني بمثل و قولي ايه اللي حصل
سيف : حاقولك بس بعدها مش عايز المحك لأي سبب كان
فلاش باااك
جاء إلى الجامعة يسابق الزمن ليراها وقف بسيارته عند البوابة و رجع للخلف حين لمحها دخل محل لتختفي ابتسامتها حينما وجدها واقفة بجانب صاحب المحل المشهور جدا بغرامياته و تضحك معه بقوة و تميل على كتفه و تلكمه و حتى انها احتنضته
لم يصدق نفسه انها هكذا فقد أخبرته و أكدت له انها لم تتكلم مع احد قط و كانت توقف اي احد أيعقل انه استطاع خداعها هذا الشاب أم انها هيا اصلا هكذا
باااك
سيف : عرفتي ايه اللي غيرني يا بريئة
ضحكت بقوة من بين دموعها عندما أخبرها السبب
منى : عشان كدة تغيرت
سيف : ايه مش سبب كافي و لا عادي انك تحضني و تميلي على شاب معروف في كل الجامعة بلمة البنات حواليه
منى بابتسامه : و هي تزيل دموعها لا طبعا سبب كافي انا قولت حاجة غير كدة بس خايك عند كلامك مش حخليك تلمحني حتى لو صدفة و لو تخرجي متوقف على المواد اللي مسجلاها مع حضرتك مش عايزة اتخرج
