لقد عشقها
////
الرواية كاملة على تطبيق دريمي من جوجل بلاي
في احد الشقق السكنية يجلس شاب دموعه تنهمر على خده لانه تقدم لخطبة فتاة للمرة التي لا يعلم عددها
خالد : و النبي ي خالة و النبي ترحميني و توافقي
جميلة : يا ابني انا طالبة الأصول و بقولك والدتك تتقدم و تيجي معاك
خالد : ما انتي عارفة ماما و المشاكل اللي بينكو مش حتوافق
جميلة : و انا بنتي سيد من يتمناها و يجيب عيلته كلها عشان اجوزهاله يا حضرة الضابط
خالد : عارف و الله عارف بس انا مش عارف اعمل ايه هيا مقتنعة انك عايزاها عشان تكسري نفسها
جميلة : ليه هي عملت حاجة
خالد بحزن : عارف اللي عملته امي ما يتغفرش بس انا ذنبي ايه انا بموت كل يوم و انا بفكر انها ممكن تكون لحد غيري
جميلة : ذنبك انك ابنها و انا اللي عندي قولته انت ما بتفهمش انت بتجيني تتقدم مع كل صلاة و انا بعيدلك نفس الكلام تعبت قلبي يا ابني يلا بالسلامة مش حغير رأيي
وقف ليذهب دموعه كشلال ينظر لتلك الواقفة تنظر إليه كانها تتوسل له بعينيها الحمراء من كثرة البكاء ان لا ييأس فهمها هو بقلبه و هز رأسه بالايجاب و ذهب لوالدته
خالد : ابوس ايدك يا ام خالد ترحمي ابنك و تيجي نتقدم
زينة : انت تجننت يا ابني مش حتوافق دي بتعمل كدة عشان تذلنا
خالد : لا حتوافق بس قومي
زينة : ايه الذل اللي انت فيه يا واد انت ده انت ظابط قد الدنيا ده انا حجوزك ست ستها
خالد بدموع : يا أمي بترجاكي يا امي مش عايز ست ستها عايزها هيا ارحمي قلبي
زينة : الست المفترية قاصدة تذلك و انا مش موافقة على بنتها صراحة
خالد : انتي اللي مش موفقة مش انتي اللي سرقتي جوزها و هيا طول عمرها صاحبتك
لتصفعه بقوة و هي تبكي ….
يتبع…
