لقيت بنت

لقيت بنت

الجيران لقي بنت ملفوفه علي غصن الشجره بالحبل السري واللي حصل

وقبل ما نبدا الحكايه اعرفكم بنفسي انا اميره

عندي35 سنه وكنت وافقه في المطبخ

ولقيت اخت جوزي خارجه من اوضتها وتعبانه

اميره

هو انتي كويسه يا ناديه انا طول الليل سماعكي

عامله تتوجعي بس بصراحه كنت تعبانه اوي

مش قدرت اقوم

ناديه

لا يا حبيبتي ما فيش حاجه اصل انا تعبانه شويه بس الحمد لله بقيت احسن دلوقتي

اميره

ناويه تنزلي الشغل متاخره شويه النهارده ولا ايه شايفاكي لسه بهدوم النوم

دينا

لا اصلا نسيت اقولك انا عملت اجازه 15 يوم حاسه ان انا مش قادره اشتغل خالص

اميره

اه ومالو تمام مافيش مشكله و بعدها دخلت

وانا نزلت وسمعت البواب بيقول ل واحد

البواب

الحمد لله بيقول البنت عايشه بس في المستشفى ربنا يسترها يا رب الكاميرا طبعا ما وضحتش العيله واقعه منين

اميره

صباح الخير يا عم عبدو هو فيه اي حصل

البواب

والله ما عارفه اقولك اي ي ست هانم

كنت راجع من صلاه الفجر وسمعت صوت عيله صغيره وكانت الصدمه لما لقيت عيله

واقعه من العماره علي غصن الشجره

واي لسه مولوده بالحبل السري

اميره

يا خبر ابيض اي الكلام اللي بتقولوا ده ازاي

يعني

ياريت يا مدام محدش يروح في مكان

انهارده اصل البوليس جاي وناوي يحقق مع الكل

اميره

ازاي يعني الكلام اللي انت بتقوله ده تنوريه شغل مهم جدا

البواب

والله هو قالي نعرف حضراتكم كلكم اللي عايز يخرج بقى يخرج وهو المسؤول وبعدها طلعة

وسمعت ناديه وهي بتقول

ناديه

لا طبعا اياك

تتصل ب احمد اخويا تقول ليه حاجه

ارجوك احمد لو عارف هيرجع من السفر انا مش عايزه اي حد يعرف حاجه ما تندمنيش ان انا قلت لك

وبعدها دخلت

اميره

خير يا ناديه بتتكلمي مع مين انا مش فاهمه

وبعدها قفلت السكه

ناديه

كده غريبه في ايه رجعت تاني ليه ما فيش انا كنت بتكلم مع اسامه ابن خالتي في حاجه كده

اميره

اصل حصل مصيبه كبيره قوي والبوليس جاي دلوقتي

ناديه

يا خبر اي الكلام اللي بتقولي ده مصيبه

اي اللي حصلت

اميره

لقوا عياله صغيره مرميه علي شجره

وبيقولوا فيه حد في العماره هي اللي عملت

كده بس منعرفش مين

ناديه

مين اللي معندهاش قلب اللي عملت

كده بجد معرفش الناس اللي زي دي

بصراحه انا تعبانه اوي ومحتاجه انام شويه بعد اذنك يا اميره

اميره

تمام ماشي وبعدها دخلت وشويه ودخلت اصحيها

ناديه

في ايه يا اميره مش انا قلت لك عايزه انام مش عايزه حد يصحيني ارجوكي

اميره

يا بنتي انا بعت وقلت هنفطر سوا حتى عمال اتصل بامنيه اختي مش راضيه تردي عليا خالص قومي علشان نفطر وبعدها لقيت دم على السرير هو ايه الدم اللي على السرير ده

ناديه قامت بسرعه وقالت

يا خبر شكل …….جت معلش انا اسفه والله

ثانيه واحده اغير الملايه

اميره

عادي يا حبيبتي مافيش مشكله

قومي قومي وبعدها محدش طلع

وانا نزلت

عبدو

خلاص يا مدام اللي عايز يخرج يخرج طلع العمل كده محدش من شقته ده حد من بره

اميره

ايه الكلمات الغريب اللي انت بتقوله ده ومن امتى يعني حد بيخش العماره وانت مش بتاخد بالك منه

عبدو

اللي دخل دخل في صلاه الفجر ساعه ما انا كنت بصلي البوليس جه ولقى في دم موجود فوق

سطوح غير كده شفنا واحده منقبه داخله العماره في الكاميرا

اميره

اه تمام ماشي وبعدها مشيت وروحت

بيت امنيه اختي

امنيه

في ايه يا بنتي حرام عليك انا دماغي وجعاني جدا وعايزه انام عماله ترني الجرس بالطريقه دي كده ليه مش معاكي مفتاح للشقه

اميره

شكلك مني نزلت بسرعه نسيته في مصيبه كبيره عايزه اقولك عليها وبعدها قالت ليها

امنيه

مش فاهمه كلامك يعني يا اميره ايه علاقه اخت جوزك بالحوار ده

اميره

تاني يا بنتي بقولك انا كنت سامعاها طول الليل عماله تتوجع بس ما قمتش اشوفها مالها وثاني حاجه لقيت دم على السرير ممكن تقولي

الدم ده جه منين

امنيه

مش انت بتقولي ان البواب بيقول حد دخل العماره بطلي شك بقى احنا كلنا عارفين اخت جوزك محترمه ومؤدبه ازاي

اميره

بصراحه مش مرتاحه ليها تعبها الفتره اللي فاتت ده كان قلقني

امنيه

يا بنتي ازاي واحده هتكون حامل تسع شهور وانت مش هتاخدي بالك على الاقل بطنها هتبان عليها

اميره

بنتي هي فعلا تخنت في وقت قليل جدا وكنت كل ما اكلمها تقولي عشان باكل كثير

انا حاسه ان هي مسؤوليه كبيره وعايزه اتصل باخوها واخليه ينزل

امنيه

بلاش تتسرعي لاحسن تعملي مصيبه كبيره وجوزك يطلقك فيها انتي مش ناقصه

اميره

صحيح عمك وعمتك عاملين ايه معاكي انا عمال اقولك تعالي عيشي معايا علشان خاطر هم ما يفضلوش متحكمين فيكي انتف مش راضيه تسمعي الكلام

امنيه

يا حبيبتي اللي ما بيشوفش من الغربال يبقى اعمى مش كفايه اخت جوزك عايشه عندك هاجي انا كمان

اميره

بس انا بفكر في حاجه كده يا امنيه ومش عارفه اعمل ايه بفكر لو ما فيش اهل للبنت دي اخدها واربيها عندي

امنيه

والله يا حبيبتي انت حره لو شايفه نفسك هتكوني مبسوطه من كده اعمليها بس انت جوزك هيوافق ثاني حاجه الاجراءات هتكون صعبه قوي

اميره

سيبيها على الله انا هحاول بس اروح الاسم وافهم كل حاجه واشوف الاجراءات

امنيه

ربنا معاكي يا حبيبتي معلش بقي مرات

عمك مش خلتني اعرف انام امبارح شويه البيت بيتك بقى انا هنام

اميره

هو انا همشي خليني بقى اروح القسمه اشوف اعمل ايه وبعد كده اكلم مراد واقوله

وبعدها روحت وانا كلم احمد

اميره

يا احمد حرام عليك انت عارف ومتاكد كويس قوي ان انا نفسي اكون ام انا رحت الاسم وعرفت كل الاجراءات وعايزه انفذها

ربنا يخليك ليا يا حبيبي خلاص هشوف الموضوع هيمشي ازاي واعرفك وبعدها قفلت

وخرجت ناديه وهي تعبانه

ناديه

هو انت كنت بتكلمي احمد ولا ايه قلتي له على اللي حصل في العماره يا بنتي انت عارفه ان احمد عايز يمشي من العماره دي بالطريقه دي هيطلب انه يمشي بسرعه

اميره

لا ما تخافيش يا ناديه انا كلمته وهو مش هيمشي وكمان بفكر اتكفل البنت دي

ناديه

ازاي يعني الكلام اللي انت بتقوليه ده عايزه تجيبي واحده جايه من الحرام اخويا يربيها ويصرف عليها لا طبعا انا مش موافقه

اميره

معلش يا ناديه وانت مالك انت اصلا بالحوار ده دي حاجات تخصني انا وانتي ملكيش دعوه بيها

ناديه

لا يا حبيبتي فلوس اخويا واخاف عليها مش هو متشحطط ومسافر بره وانت تجيبيلي واحده من الشارع علشان يصرف عليها

اميره

معلش يعني ما المفروض تبقى حياته البيت ومراته بيصرف عليك ومقعدك معايا وانا ما بتكلمش

ناديه

قصدك بالكلام ده اي بقا ان شاء الله

اميره

قصدي انتي فهماه كويس يا حبيبتي ولو مش عاوزه كلامي يزعلك يبقي خليكي في حالك وملكيش اعمل اي ومعملش اي

واول ما بخلص كلامي بلاقيها مبتردش وبتدخل علي الاوضه جوه

اميره بغيظ

انا حاسه ان وراكي مصيبه يا ناديه بس والله العظيم لو عرفت اي هيه انا مش هرحمك

وبتعدي الايام ومن كتر زني علي دماغ احمد بيوافق ان اتكفل بالبنت

واول ما بوصل البيت بلاقي ناديه قاعده واول ما بتشوفني بتقول

ناديه بضيق

برضو عملاي الي في دماغك وجبتي البنت برضو

انا مش فاهمه متمسكه بيها ليه كده وغير كده المصاريف هتبقي كتيره الفتره دي

اميره

بقولك اي يا ناديه البنت خلاص جبتها يا حبيبتي والمصاريف محدش طلب منك جنيه

وخدي هنا انا مش فاهمه هو انتي مش طايقه البنت قووي كده

ده انتي المفروض تقنعي اخوكي بيها هو في اي بالظبط انا مش فهماكي

واول ما بقول كده بلاقيها اتوترت وبتقول

ناديه

بقولك اي يا اميره اعنلي الي انتي عاوزاه علي العموم انا ناصحتك وانتي حره

وبالذات انا مش مطمنه للبنت دي وهيه في البيت

اميره

انا هعخل ان انا كده مصدقه كلامك بس مالك كده انا حاسه انك متغيره الفتره دي انتي متاكده انك تعبانه بس يعني مفيش حاحه مخبياها

ناديه

وانا اخبي اي يعني ان شاء الله بقولك اي يا اميره الكلام بقا صعب معاكي علي العموم انا داخله انام

ولو سمختي متخليش البنت تعيط علشان بمعرفس انام الا بهدوء

وبتروح داخله علي حوه

واول ما بتدخل بروح ماسكه الفون ورانه علي احمد

احمد

في اي يا تميره بترني عليا في وقت دا ليه انتي عارفه حويس ان في الوقت ده بكون في الشغل

اميره

سيبك من كل الكلام ده انا حاسه ان اختك ناديه مخبيه حاجه وبصراحه كده انا الفار لعب في عبي

احمد

مالها ناديه انا مش فاهم واي الكلام الي انتي بتقوليه ده ان شاء الله

اميره

انا مش بقول الكلام يا حبيبي من فراغ انا مكنتش هفتح بقي من لما كنت شيفاه بعيني

وبصراحه كده انا حاسه ان البنت الي لقيناها

تبقي بنت اختك

احمد بحده

انتي اكيد اتجننتي بنت اخت مين انتي مستوعبه بتقولي اي

اميره

اهدب يا احمد وبكل اسلوبك ده وانا بتكلم علشان تنزل ولو كدع تفهم من اختك هو في اي بالزبط

وبالذات يعني انها بقالها فتره رافضه انها تروح الشغل تسمي اي ده ان شاء الله

احمد

اقفلي يا اميره دلوقتي وانا هفهم منها كل حاخه

اميره

بقزلك اي انا مش عاوزه مشاكل مع اهتك اصبر اتكلم معاها لما تنزل

امال بقا لو شوفتها لما شافت البنت عملت اي